Şriftin ölçüsü / 371

İlk peşə və orta ixtisas təhsili

16 Noyabr 2018 [15:12]
"Üfüq” gənclərin inkişafı naminə ictimai birliyinin Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə "Gənclər arasında peşə təhsilinin təbliği istiqamətində təlimlərin təşkil edilməsi” adlı layihəsi çərçivəsində praktiki təlimlər təşkil olunub.

Layihənin əsas məqsədi yeniyetmə və gənclərin müxtəlif peşələr haqqında nəzəri və praktiki biliklərinin artırılmasıdır.

Layihə çərçivəsində Samuxda gənclər arasında praktiki təlimlər keçirilib. Təlimdə layihənin koordinatoru Gülnar Məmmədova, təlimçi Onur Yusubov iştirak ediblər.

Layihə çərçivəsində yeniyetmə və gənclər arasında peşə təhsilinə marağın artırılması istiqamətində 20 nəfər gənc Samux rayonunda yerləşən Bizim ailə tumunun sexində praktiki təlim keçiblər. Praktiki təlim zamanı tumun necə istehsal olunması, avadanlıqlarla davarnaış qaydaları əyani olaraq gənclərə izah olunub. Daha sonra oğlanlara avto təmir sexində maşınların təmir mesaniximləri izah olunub. Eyni zamanda gənclərin salonlara da səfəri təşkil olunub. Qadınlar qadın salonlarında əyani olaraq vizaj və saç düzümü ilə bağlı, oğlanlar isə bərbərxanada kişi saç düzümlərinin kəsimi və təraşı ilə bağlı əyani biliklər əldə ediblər. Praktiki təlimlərdə əsasən 8-9 cu sinif şagirdləri iştirak ediblər.

Tədbirdə gənclərə maarifləndirici buklet paylanıb.


Nisə Rəhimova