Xəbər verildiyi kimi bir qrup tanınmış ziyalı, ictimai-siyasi xadimlərin iştirakı ilə Türkiyədə Xocalı soyqırımına həsr olunmuş silsilə tədbirlər keçirilir. Rada Abbas, Zülfiyyə Həsənova, Ramazan Hüseynov Pərviz Səmədbəyli və Aminə Vəliyevanın iştirakı ilə keçirilən tədbirlər və görüşlər qardaş ölkənin ictimaiyyətinin diqqətini özünə çəkib.

Bu tədbirlərdə fəal iştirak edən AMİP Siyasi Şurasının üzvü, partiyanın Qadınlar Təşkilatının sədri Aminə Vəliyevadan aldığımız məlumata görə, azərbaycanlı nümayəndə heyəti Balıkəsirdə də möhtəşəm görüş təşkil ediblər. Bu tədbirdə milli və vətənpərvərlik ruhunda çıxışlar edilib, Ermənilərin iç üzü bir daha Türk ictimaiyyətinin diqqətinə çatdırılıb.