Nitsa şəhərində törədilmiş qanlı terror hadisəsi bizi çox sarsıtdı. Çoxlu
sayda insanın həyatını itirməsi və yaralıların olması ilə nəticələnən bu xaincəsinə
hücumu bütün bəşəriyyətə qarşı təcavüz kimi qiymətləndiririk. Dinc və günahsız
insanları həyatdan məhrum etməyə hesablanmış təcavüzü qətiyyətlə pisləməklə
yanaşı bütün gücləri terrora qarşı qətiyyətlə mübarizə aparmağa, terror aktının
sifarişçilərinə və icraçılarına qarşı ən sərt mübarizə üsullarından istifadə
etməyə çağırırıq. Gələcəkdə belə hadisələrin bir daha təkrarlanmaması və qanlı
terror aktını törətmiş qatillərin cəzalandırılması üçün bütün terror təşkilatlarına
qarşı səyləri birləşdirmək dünya dövlətlərinin ən başlıca vəzifəsi olmalıdır.
Terror nəticəsində həyatlarını itirmiş şəxslərin ailə üzvlərinə, həmçinin
Fransa dövlətinə və xalqına dərin hüznlə başsağlığı verir, xəsarət alanlara Uca
Allahdan şəfa diləyirik
AMİP başsağlığı verdi
