Ağasif Şakiroğlu
Gələcək Azərbaycan Partiyasının sədri
Fikrimcə, Ramiz Mehdiyev -Ali Karimli (Əli Kərimli)) ittifaqının son 6 ildə dövlət çevrilişinə açıq cəhdləri 19 oktyabr 2019-cu ildə (Ramiz Mehdiyev işdən çıxarılmamışdan 4 gün öncə yəni) baş tutmadı.
19 oktyabr 2019-cu ildə ölkə xaricindən idarə olunan küçə uşaqlarının təbliğatı ilə, ölkə daxilində AXCP-nin təşkilatçılığı ilə icazəsiz təxribat xarakterli mitinqə cəhd edildi. Məqsəd küçələrdə ixtişaşlar törətmək, bu yolla siyasi xaos və böhran yaratmaq, küçələrdə insanların kontrolsuzluğunu yaradaraq Ramiz Mehdiyevin hakimiyyətdaxili özünə sadiq qüvvələri ilə hakimiyyəti götürməsinə - müxalifətlə (lap dəqiq desək AXCP və Milli Şura rəhbərliyi ilə) Dövlət Şurası təsis etməsi ilə nəticələnəcəyinə hesablanmışdı. Məhz əsas “savaş” olduğunu nəzərə alan Əli Kərimli etirazçıları qızışdırmaq məqsədilə 14 ildən sonra ilk dəfə idi ki, şəxsən özü də mitinqə qoşuldu. Amma alınmadı! Əksinə, Ramiz Mehdiyevin bu təxribatlarda bilavasitə iştirakı həmin aksiyadan 4 gün sonra onun Prezident Administrasiyasından AMEA-ya sürgünü ilə nəticələndi…
Bu olanlardan dərs çıxarmayan Mehdiyev-Kərimli ittifaqı dayanmadı. Öz uğursuz cəhdlərini və ya siyasi hikkələrini “nə olursa, olsun təmin etməliyik” sevdasını daxillərində yaşatdılar… 2019-cu ilin bəhs etdiyim təxribat cəhdlərindən son yənə dayanmadılar!
Ardınca, Ramiz Mehdiyev 2020-ci ilin 12-15 iyul aralığında xarici xüsusi xidmət orqanlarının yardımı ilə Tovuz istiqamətində Ermənistan hərbi şovinistlərinin təxribat törətməsinə nail oldu. Bu təxribatların fonunda generalımız, polkovniklərimiz və neçə-neçə digər rütbələrdə və vəzifələrdə olan hərbçilərimiz şəhid edildi… Ramiz Mehdiyevin siyasi xaos strategiyasında bütün bu baş verənlərdən istifadə edərək ölkə daxilində süni formada ictimai-siyasi gərginlik yaratmaq işi Əli Kərimlinin üzərinə düşürdü.
Elə həmin günlərdə, lap dəqiq söyləsək, 2020-ci ilin 14 iyuldan 15-nə keçən gecə Əli Kərimli öz missiyasını tapşırığa əsasən yerinə yetirməyə cəhd etdi. Məhz Əli Kərimlinin tapşırığı əsasında küçələrə çıxaraq öz ordusuna dəstək verən böyük xalq kütləsi təxribatlara sürükləndi. Dövlətinə, Prezidentinə dəstək üçün toplanmış xalq kütləsinin daxilinə yeridilmiş Mehdiyevçi qruplar, eyni zamanda Əli Kərimliyə sadiq şəxslər siyasiləşməmiş saf, qəlbi vətəni üçün yanan xalq toplumunu təxribatlara çəkərək Parlament binasının tutulmasına və beləliklə də, ölkədə dövlət çevrilişinə nail olmağa cəhdlər etdi. Lakin heç şübhəsiz ki, xalqımızın ayıq-sayıqlığı və hüquq mühafizə orqanlarımızın operativliyi nəticəsində, bu cəhd də baş tutmadı…
Amma Mehdiyev-Kərimli ittifaqı yənə də dayanmadı. Anlamadılar, anlamaq istəmədilər ki, xalq tərəfindən dəstəyi olmayanların hakimiyyətə gəlməsi mümkün deyildir. Xalq içində sosial bazası olmayan, xalq daxilində heç bir nüfuzu olmayan şəxslərin istənilən addımı xalq tərəfindən şübhəsiz ki, lənətlənmiş olacaqdır.
Mehdiyev-Kərimli siyasi ittifaqı, onların siyasi hakimiyyət hikkəsi, hakimiyyətə gəlmək üçün yüzləri, minləri qurban vermək istəkləri və bu istəklərin fonunda təyyarə qəzası nəticəsində, həyatını itirmiş onlarla soydaşımızın qanı bahasına yenə də nələrəsə cəhdlər etmək istəkləri növbəti dəfə iflasa uğradı… Bu dəfə onları təkcə xalqımız lənətləmədi. Bu dəfə həlak olmuş günahsız insanlarımızın ruhları da onlara qənim oldu!
Artıq hər bir məsələ ortadadır. Xalqımız çox şeyi görür və bilir. Mühakimə zamanı yetişib. İndi qanun və xalq qarşısında hesabat vaxtıdır!
Necə deyərlər, heç kəs yaşatdığını yaşamadan bu həyatdan köçməz!
