"Məqsəd beynəlxalq qurumlarda Azərbaycanın lehinə çıxarıla biləcək qərarları əngəlləməkdir"
img
Əli Orucov: "Ermənilər imkan düşən kimi..."
Ermənilər bütün sahələrdə fürsət düşdükcə, Azərbaycana yönəlik təxribatlar törətməyə cəhd edirlər. AŞPA-nın Ermənistan nümayəndə heyətinin üzvü Naira Zöhrabyan yerli mətbuata açıqlamasında bildirib ki, qurumun yanvarın 23-27-də keçiriləcək sessiyası AŞPA prezidenti Pedro Aqramunta inamı ifadə edəcək.
O bunu onunla əsaslandırmağa çalışıb ki, İtaliya prokurorluğu AŞPA-nın sabiq vitse-sədri Luca Volonteyə qarşı iddia qaldırıb. Guya o, Azərbaycan tərəfindən 2,5 milyon avro rüşvət almaqda ittiham olunur. Zöhrabyan hesab edir ki, bu qalmaqalda AŞPA prezidenti Pedro Aqramuntun da adı görünəcək. Naira açıqlamasında iddia edir ki, Volonte hüquq-mühafizə orqanları ilə əməkdaşlıq etmək barədə razılığa gəlib. Eyni zamanda, Aqramuntun da bu işin içində olduğunu etiraf edib. Onun sözlərinə görə, ifadəsində Volonte artıq Aqramuntun da adını qeyd edib.
Naira Zöhrabyan açıqlamasında Azərbaycan hakimiyyətinin ünvanına bir sıra əsassız ittihamlar səsləndirib. Görünən odur ki, AŞPA sədri Pedro Aqramuntun Dağlıq Qarabağ məsələsində beynəlxalq hüquq normalarından çıxış edərək mövqe sərgiləməsi erməniləri bərk narahat edir. Ona görə də onlar hər vəchlə bu cür siyasi fiqurları şantaj etməyə çalışır. Məqsəd öz məkrli siyasətlərini həyata keçirməkdir.
Sözügedən məsələ ilə bağlı fikirlərini "Bakı-Xəbər"lə bölüşən AMİP Siyasi Şurasının üzvü Əli Orucovun fikrincə, Azərbaycan hər zaman bənzər təxribatlara hazır olmalıdır: "Bu nə ilkdir, nə də son. Ermənilər imkan düşən kimi, Azərbaycanı beynəlxalq qurumlarda müdafiə edən siyasiləri gözdən salmağa, qaralamağa çalışır. Bu da onun bir tərkib hissəsidir. Məqsəd beynəlxalq qurumlarda Azərbaycanın lehinə çıxarıla biləcək qərarları əngəlləməkdir. Düzdür, AŞPA-nın qəbul etdiyi qərarlar məcburi xarakterli deyil. Qurum Birləşmiş Millətlər Təşkilatı, Avropa İttifaqı kimi təsir rıçaqlarına, bunu həyata keçirə biləcək mexanizmlərə malik deyil. AŞPA-nın qəbul etdiyi qərarlar məşvərət xarakterlidir. Ancaq nə qədər olmasa da, bu qurumun qəbul etdiyi qərarların müəyyən siyasi əhəmiyyəti var. Onu da qeyd etməliyik ki, qurum Dağlıq Qarabağla bağlı Azərbaycanın xeyrinə bir neçə qərar qəbul edib. Bütün bunlar, istər-istəməz, beynəlxalq müstəvidə Azərbaycanın mövqelərinin möhkəmlənməsinə təsirsiz ötüşmür. O üzdən, erməni tərəfi hücum taktikasını seçərək buna kölgə salmağa çalışır. Həmçinin, beynəlxalq ictimaiyyətin diqqətini digər məsələlərə yönəltməyə səy göstərir".
Vidadi ORDAHALLI
img
Əli Orucov: "Ermənilər imkan düşən kimi..."
Ermənilər bütün sahələrdə fürsət düşdükcə, Azərbaycana yönəlik təxribatlar törətməyə cəhd edirlər. AŞPA-nın Ermənistan nümayəndə heyətinin üzvü Naira Zöhrabyan yerli mətbuata açıqlamasında bildirib ki, qurumun yanvarın 23-27-də keçiriləcək sessiyası AŞPA prezidenti Pedro Aqramunta inamı ifadə edəcək.
O bunu onunla əsaslandırmağa çalışıb ki, İtaliya prokurorluğu AŞPA-nın sabiq vitse-sədri Luca Volonteyə qarşı iddia qaldırıb. Guya o, Azərbaycan tərəfindən 2,5 milyon avro rüşvət almaqda ittiham olunur. Zöhrabyan hesab edir ki, bu qalmaqalda AŞPA prezidenti Pedro Aqramuntun da adı görünəcək. Naira açıqlamasında iddia edir ki, Volonte hüquq-mühafizə orqanları ilə əməkdaşlıq etmək barədə razılığa gəlib. Eyni zamanda, Aqramuntun da bu işin içində olduğunu etiraf edib. Onun sözlərinə görə, ifadəsində Volonte artıq Aqramuntun da adını qeyd edib.
Naira Zöhrabyan açıqlamasında Azərbaycan hakimiyyətinin ünvanına bir sıra əsassız ittihamlar səsləndirib. Görünən odur ki, AŞPA sədri Pedro Aqramuntun Dağlıq Qarabağ məsələsində beynəlxalq hüquq normalarından çıxış edərək mövqe sərgiləməsi erməniləri bərk narahat edir. Ona görə də onlar hər vəchlə bu cür siyasi fiqurları şantaj etməyə çalışır. Məqsəd öz məkrli siyasətlərini həyata keçirməkdir.
Sözügedən məsələ ilə bağlı fikirlərini "Bakı-Xəbər"lə bölüşən AMİP Siyasi Şurasının üzvü Əli Orucovun fikrincə, Azərbaycan hər zaman bənzər təxribatlara hazır olmalıdır: "Bu nə ilkdir, nə də son. Ermənilər imkan düşən kimi, Azərbaycanı beynəlxalq qurumlarda müdafiə edən siyasiləri gözdən salmağa, qaralamağa çalışır. Bu da onun bir tərkib hissəsidir. Məqsəd beynəlxalq qurumlarda Azərbaycanın lehinə çıxarıla biləcək qərarları əngəlləməkdir. Düzdür, AŞPA-nın qəbul etdiyi qərarlar məcburi xarakterli deyil. Qurum Birləşmiş Millətlər Təşkilatı, Avropa İttifaqı kimi təsir rıçaqlarına, bunu həyata keçirə biləcək mexanizmlərə malik deyil. AŞPA-nın qəbul etdiyi qərarlar məşvərət xarakterlidir. Ancaq nə qədər olmasa da, bu qurumun qəbul etdiyi qərarların müəyyən siyasi əhəmiyyəti var. Onu da qeyd etməliyik ki, qurum Dağlıq Qarabağla bağlı Azərbaycanın xeyrinə bir neçə qərar qəbul edib. Bütün bunlar, istər-istəməz, beynəlxalq müstəvidə Azərbaycanın mövqelərinin möhkəmlənməsinə təsirsiz ötüşmür. O üzdən, erməni tərəfi hücum taktikasını seçərək buna kölgə salmağa çalışır. Həmçinin, beynəlxalq ictimaiyyətin diqqətini digər məsələlərə yönəltməyə səy göstərir".
Vidadi ORDAHALLI
