Ümid edirik ki, Ermənistan-Azərbaycan, Dağlıq Qarabağ münaqişəsi tezliklə bitəcək, tərəflər arasında uzlaşma güclənəcək və Ermənistan-Türkiyə sərhədi də açılacaq.

SalamNews xəbər verir ki, bu fikri Türkiyə İxracatçılar Məclisinin sədri Mehmet Böyükekşi, Ağrı şəhərində ölkəsinin avqust ayında həyata keçirdiyi iqtisadi siyasətin nəticələrini açıqlayarkən səsləndirib.

M.Böyükekşi Türkiyənin qonşuları ilə sülh şəraitində ticarət əlaqələri quran və insvestisiya yatırımları həyata keçirmək istədiyini deyib: "Rəsmi Ankara bu məqsədlə də münaqişənin tez bir vaxtda həll etməyə və maneələri aradan qaldırmaq üçün fəallığını davam etdirəcək. Türkiyənin milli sülhə nail olmaq üçün atdığı addımlar birbaşa münaqişənin həlli prosesi üçün əhəmiyyətlidir. Bu proses xüsusilə də son 2 ildəki təşviq əməlləri ilə birlikdə bölgədəki investisiya yatırımlarına və məşğulluğa böyük töhfə verir.”