"Yaxşı olar ki, Rusiya öz təzyiq imkanlarından istifadə edib Ermənistanı konstruktivliyə gətirsin"
img
Soçidə Rusiya və Azərbaycan prezidentləri arasında keçirilən görüşü şərh edən Rusiya Siyasi Tədqiqatlar İnstitutunun direktoru, tanınmış politoloq Sergey Markov bildirib ki, bu görüş qəfil, lakin gözlənilən idi: "Bu görüş iki ölkə arasındakı münasibətlərin strateji tərəfdaşlıq xarakterli olduğunu bir daha təsdiqlədi".
Politoloqun fikrincə, Rusiya-Azərbaycan münasibətlərində yeni mərhələ əslində 2013-cü ilin yayından başlayıb: "Vladimir Putinin Bakıya səfəri münasibətlərin yeni mərhələsinin başlanğıcı idi. Bu səfərdən sonra Azərbaycanla Rusiya arasında, demək olar ki, bütün sahələrdə - siyasət, iqtisadi-ticarət, hərbi-texniki əməkdaşlıq, humanitar, neft-energetika və digər sahələrdə münasibətlər yüksək sürətlə inkişaf etməyə başladı. Rusiya və Türkiyə arasında böhran olan zaman Azərbaycan çox müdrikcəsinə davrandı. Rusiyaya qarşı Qərbin sanksiyaları zamanı Bakı Moskvanı dəstəklədi. İki ölkə arasında münasibətlərin bu səviyyəyə yüksəlməsində məhz Azərbaycan Prezidenti İlham Əliyevin böyük rolu qeyd olunmalıdır. Soçidə keçirilən görüş də münasibətlərin yeni mərhələsinin məntiqi davamıdır".
S.Markov mətbuatda iki ölkə arasında münasibətlərin gərgin olmasının səbəbləri barədə yazılanların inandırıcı olmadığını vurğulayıb: "Bəli, iki ölkə arasında problemlər var. Bu təbiidir. Hansısa məsələlərə yanaşmada iki ölkə arasında fərqli mövqenin olması təbiidir. Rusiya vətəndaşı, bloger Lapşinin həbsi, erməni əsilli Rusiya vətəndaşlarının Azərbaycana buraxılmaması, Ümumrusiya Azərbaycanlıları Konqresinin qeydiyyatının ləğvi kimi kiçik problemlər iki ölkə arasındakı münasibətlərdə gərginliyin olması anlamına gəlmir. Çünki bunlar olduqca xırda siyasi problemlərdir. Rusiya-Azərbaycan münasibətlərinə geniş aspektdən baxmaq lazımdır. Bütün bu arqumentlərə cavabı Vladimir Putin və İlham Əliyevin Soçidə keçirilən görüşü verdi. Təbii ki, Moskva və Bakı arasındakı siyasi və hərbi-texniki əməkdaşlıq sahəsindəki münasibətlər Ermənistan rəhbərliyini çox narahat edir. Ermənistan rəsmiləri çıxışlarında bunu açıq etiraf edirlər. Soçi görüşü onu göstərdi ki, iki ölkə arasındakı münasibətlər müsbət məcrada inkişaf edir. Lakin bu inkişaf çox güclü bir qüvvənin heç də ürəyincə deyil. Rusiyadakı bu qüvvə müəyyən dövlət orqanlarında, o cümlədən Xarici İşlər Nazirliyində yerləşir. Onlar Rusiya və Azərbaycan arasındakı hansısa xırda problemi elə şişirdirlər ki, guya münasibətlər həddən artıq gərgindir".
Rusiyada kifayət qədər ciddi imicə malik olan bir politoloq örtülü olsa da, bildirir ki, bizimlə Moskvanın münasibətlərini korlayan qüvvə var və onlar XİN-də yerləşə bilib. Rusiya XİN-dəki bu erməni qrupunu necə ifşa etmək olar?
Azərbaycan Milli İstiqlal Partiyasının sədr müavini Elşən Mustafayev qəzetimizə bildirdi ki, Markovun açıqlaması siyasi manevrdən başqa bir şey deyil: "Təbii ki, biz Rusiyada güclü erməni lobbisinin fəaliyyət göstərdiyini bilirik. Onlar bütün dövlət qurumlarına səpələnib. Proseslərə təsir imkanları var, ancaq Rusiyanın xarici siyasət kursunu müəyyənləşdirmək dərəcəsində yox. Çünki Rusiya böyük dövlətdir və öz kursunu maraqlarına uyğun formalaşdırır. Rusiya-Azərbaycan münasibətlərinin dinamikasına baxdıqda məlum olur ki, gərginləşmələr olub, sonra yumşalma. Hər dəfə də olan yeni yaxınlaşma zamanı keçmişdəki gərginliyi nəyinsə üstünə yıxıblar. Markovun taktikası buna bənzəyir. Tam məsuliyyətilə deyə bilərəm ki, XİN-də çalışan ermənilər Rusiyanın Qafqaz siyasətinə, maraqlarına təsir edəcək gücdə ola bilməz. Sabah ermənilər onun istədiyini etməsə, onları bizdən də pis vəziyyətə sala bilər. Yaxşı olar ki, Rusiya öz təzyiq imkanlarından istifadə edib Ermənistanı konstruktivliyə gətirsin. Bir-iki erməninin adını çəkməklə biz nəyəsə nail ola bilmərik".
Məhəmmədəli QƏRİBLİ
img
Soçidə Rusiya və Azərbaycan prezidentləri arasında keçirilən görüşü şərh edən Rusiya Siyasi Tədqiqatlar İnstitutunun direktoru, tanınmış politoloq Sergey Markov bildirib ki, bu görüş qəfil, lakin gözlənilən idi: "Bu görüş iki ölkə arasındakı münasibətlərin strateji tərəfdaşlıq xarakterli olduğunu bir daha təsdiqlədi".
Politoloqun fikrincə, Rusiya-Azərbaycan münasibətlərində yeni mərhələ əslində 2013-cü ilin yayından başlayıb: "Vladimir Putinin Bakıya səfəri münasibətlərin yeni mərhələsinin başlanğıcı idi. Bu səfərdən sonra Azərbaycanla Rusiya arasında, demək olar ki, bütün sahələrdə - siyasət, iqtisadi-ticarət, hərbi-texniki əməkdaşlıq, humanitar, neft-energetika və digər sahələrdə münasibətlər yüksək sürətlə inkişaf etməyə başladı. Rusiya və Türkiyə arasında böhran olan zaman Azərbaycan çox müdrikcəsinə davrandı. Rusiyaya qarşı Qərbin sanksiyaları zamanı Bakı Moskvanı dəstəklədi. İki ölkə arasında münasibətlərin bu səviyyəyə yüksəlməsində məhz Azərbaycan Prezidenti İlham Əliyevin böyük rolu qeyd olunmalıdır. Soçidə keçirilən görüş də münasibətlərin yeni mərhələsinin məntiqi davamıdır".
S.Markov mətbuatda iki ölkə arasında münasibətlərin gərgin olmasının səbəbləri barədə yazılanların inandırıcı olmadığını vurğulayıb: "Bəli, iki ölkə arasında problemlər var. Bu təbiidir. Hansısa məsələlərə yanaşmada iki ölkə arasında fərqli mövqenin olması təbiidir. Rusiya vətəndaşı, bloger Lapşinin həbsi, erməni əsilli Rusiya vətəndaşlarının Azərbaycana buraxılmaması, Ümumrusiya Azərbaycanlıları Konqresinin qeydiyyatının ləğvi kimi kiçik problemlər iki ölkə arasındakı münasibətlərdə gərginliyin olması anlamına gəlmir. Çünki bunlar olduqca xırda siyasi problemlərdir. Rusiya-Azərbaycan münasibətlərinə geniş aspektdən baxmaq lazımdır. Bütün bu arqumentlərə cavabı Vladimir Putin və İlham Əliyevin Soçidə keçirilən görüşü verdi. Təbii ki, Moskva və Bakı arasındakı siyasi və hərbi-texniki əməkdaşlıq sahəsindəki münasibətlər Ermənistan rəhbərliyini çox narahat edir. Ermənistan rəsmiləri çıxışlarında bunu açıq etiraf edirlər. Soçi görüşü onu göstərdi ki, iki ölkə arasındakı münasibətlər müsbət məcrada inkişaf edir. Lakin bu inkişaf çox güclü bir qüvvənin heç də ürəyincə deyil. Rusiyadakı bu qüvvə müəyyən dövlət orqanlarında, o cümlədən Xarici İşlər Nazirliyində yerləşir. Onlar Rusiya və Azərbaycan arasındakı hansısa xırda problemi elə şişirdirlər ki, guya münasibətlər həddən artıq gərgindir".
Rusiyada kifayət qədər ciddi imicə malik olan bir politoloq örtülü olsa da, bildirir ki, bizimlə Moskvanın münasibətlərini korlayan qüvvə var və onlar XİN-də yerləşə bilib. Rusiya XİN-dəki bu erməni qrupunu necə ifşa etmək olar?
Azərbaycan Milli İstiqlal Partiyasının sədr müavini Elşən Mustafayev qəzetimizə bildirdi ki, Markovun açıqlaması siyasi manevrdən başqa bir şey deyil: "Təbii ki, biz Rusiyada güclü erməni lobbisinin fəaliyyət göstərdiyini bilirik. Onlar bütün dövlət qurumlarına səpələnib. Proseslərə təsir imkanları var, ancaq Rusiyanın xarici siyasət kursunu müəyyənləşdirmək dərəcəsində yox. Çünki Rusiya böyük dövlətdir və öz kursunu maraqlarına uyğun formalaşdırır. Rusiya-Azərbaycan münasibətlərinin dinamikasına baxdıqda məlum olur ki, gərginləşmələr olub, sonra yumşalma. Hər dəfə də olan yeni yaxınlaşma zamanı keçmişdəki gərginliyi nəyinsə üstünə yıxıblar. Markovun taktikası buna bənzəyir. Tam məsuliyyətilə deyə bilərəm ki, XİN-də çalışan ermənilər Rusiyanın Qafqaz siyasətinə, maraqlarına təsir edəcək gücdə ola bilməz. Sabah ermənilər onun istədiyini etməsə, onları bizdən də pis vəziyyətə sala bilər. Yaxşı olar ki, Rusiya öz təzyiq imkanlarından istifadə edib Ermənistanı konstruktivliyə gətirsin. Bir-iki erməninin adını çəkməklə biz nəyəsə nail ola bilmərik".
Məhəmmədəli QƏRİBLİ
