Qol.az UEFA-nın saytına istinadən xəbər verir ki, türkiyəli referi Cüneyt Çakır qarşıdakı 3 oyunun heç birinə təyinat almayıb.

İyulun 6-da keçiriləcək İtaliya - İspaniya yarımfinalını almaniyalı Feliks Brix idarə edəcək. İyulun 7-də oynanılacaq digər yarımfinal - İngiltərə - Danimarka görüşü isə niderlandlı Denni Makkeileyə tapşırılıb. İyulun 11-də olacaq final qarşılaşmasının baş hakimi isə niderlandlı Byörn Kuypers olacaq. Bu, Kuypersin karyerasında ilk Avropa çempionatı finalı kimi tarixə düşəcək.