Dünən günorta saatlarında paytaxtın Binə qəsəbəsində 160 nömrəli avtobusun yük qatarına çırpılması nəticəsində baş verən dəhşətli qəzada yaralan şəxlər xəstəxanaya yerləşdirilib.

Unikal.org Baku.tv-yə istinadən məlumat verir ki, xəstəxanada hadisə nəticəsində xəsarət alan şəxsin valideynlərindən rüşvət tələb olunub.

Belə ki, Ağayeva Rubay Cəfər qızının yaxınları 3 saylı şəhər klinikasının reanimasiyasında yerləşdirilən övladlarını görə bilmədiklərini bildirirlər. Valideyn iddia edib ki, xəstəxananın həkimləri övladlarını görmək üçün onlardan 200 manat pul tələb edir.

Sözügedən məsələyə münasibət bildirən Səhiyyə Nazirliyi mətbuat xidmətinin mütəxəssisi Səfayə Əhmədova ittihamların həqiqətə uyğun olmadığını deyib.