Azərbaycanın nüvə qaçaqmalçılığına qarşı kampaniyası Ermənistanı ABŞ-ın əl-ayağına saldı
Elşən Mustafayev: "Bütün bu fktlar bir daha sübut edir ki, Azərbaycanın Ermənistanda fəaliyyət göstərən AES-in bağlanması ilə bağlı başladığı kampaniya tam əsaslıdır
Nazim Həsənov: "Bunu eyni zamanda Azərbaycanın apardığı uğurlu kampaniyanın nəticəsi də hesab etmək olar"
Ermənistanın nüvə qaçaqmalçılığı ilə məşğul olmasına dair kifayət qədər faktlar təqdim olunub. Hətta ermənilərin bu məqsədlər üçün hansı marşrutlardan istifadə etdiyinə dair dəqiq məlumatlar ictimaiyyətə təqdim edilib. Ermənistan vətəndaşlarının müxtəlif ölkələrdə radioaktiv maddələrlə həbs edilərək məsuliyyətə cəlb olunmasına dair də saysız məlumatlar mövcuddur. hətta erməni deputatların da bu işdə əli olduğuna dair süğutlar var. Aprel döyüşlərindən sonra isə Ermənistan rəsmiləri Azərbaycanı nüvə silahı ilə təhdid etməyə başladı. Bütün bu hadisələrdən sonra Azərbaycan "Stop Metsamor" adlı geniş kampaniyaya başladı.
"Bakı-Xəbər"in erməni saytlarından əldə etdiyi məlumata görə, Ermənistan hökuməti nüvə qaçaqmalçılığında ölkəsinin adının hallanmasında və Azərbaycanın "Metsamor" təhlükəsi ilə bağlı başlatdığı kampaniyanın dünyada artıq effekt verməsindən narahat olmağa başlayıb və hərəkətə keçib. Sarkisyan hökuməti xüsusi kanallarla sübut etməyə çalışır ki, guya onun hökumət rəsmilərinin nüvə qaçaqmalçılığı ilə heç bir əlaqəsi yoxdur və guya onlar nüvə qaçaqmalçılığı ilə mübarizədə dünya ilə birgə hərəkət edirlər. Bu istiqamətdə Ermənistanın, xüsusilə ABŞ-la aktiv işə başladığı artıq göz qabağındadır.
Bu ilin martında Vaşinqtonda nüvə zirvəsində Obamanın Ermənistanı yox, onun prezidentini yox, məhz Azərbaycanı və Prezident İlham Əliyevi özünün strateji müttəfiqi sayması da, görünür, ermənilərə möhkəm toxunub.
Sarkisyan hökumətinin 2008-ci ildə Ermənistanla ABŞ arasında imzalanmış nüvə qaçaqmalçılığı ilə mübarizə sazişi ətrafındakı manevrlərinə başqa cür izah vermək mümkünsüzdür. Belə ki, ABŞ-ın Ermənistandakı səfiri Riçard Mills bu günlərdə verdiyi açıqlamada bildirib ki, kontrabanda mahiyyəti daşıyan nüvə maddələrinin daşınmasının qarşısının alınması üçün iki ölkə arasında imzalanmış əməkdaşlıq memorandumu hazırda bir daha gözdən keçirilir. Xatırladaq ki, bu saziş 2008-ci ildə sabiq dövlət katibi Kondaliza Raysla Edvard Nalbandyan arasında imzalanıb.
Təbiidir ki, bu faktın ortaya çıxması Ermənistanın həm də Azərbaycanın başlatdığı "Stop Metsamor" kampaniyasından əl-ayağa düşdüyündən xəbər verir. Bütün bunlar Azərbaycanın apardığı kampaniyanın əhəmiyyətini göstərir.
Azərbayvan Milli İstiqlal Partiyasının sədr müavini Elşən Mustafayev qəzetimizə açıqlamasında bildirdi ki, Ermənistanda yerləşən atom elektrik stansiyasının yaratdığı təhdidlərdən biri də radioaktiv nüvə qaçaqmalçılığına yaranan şəraitdir: "Artıq ermənilərin bu istiqamətdə əməlinə dair yetərincə faktlar toplanıb. Dünya ictimaiyyətinə də bəllidir ki, ermənilər ölkələrində əldə etdikləri radioaktiv maddələri Gürcüstan ərazisi vasitəsilə müxtəlif ölkələrin qara bazarlarına çıxarmağa çalışır.
Hesab olunur ki, problemdən çıxış yolu Ermənistandakı nüvə stansiyasının bağlanmasıdır. Stansiyadakı nüvə tullantılarına beynəlxalq nəzarətin artırılması da vacibdir. Bir faktı deyim ki, son 10 il ərzində Gürcüstan Daxili İşlər Nazirliyi və Təhlükəsizlik Xidməti nüvə və radioaktiv maddələrin qaçaqmalçılığı ilə bağlı 24 fakt aşkar edib. Məhz bununla əlaqədar olaraq 70 nəfərin həbs edildiyini bildirib. Gürcüstana radioaktiv maddələrin ən çox gətirildiyi ölkələr sırasında Ermənistan öndə gedir. Gürcüstana sonuncu dəfə 2016-cı ilin aprelində Ermənistandan radioaktiv maddə keçirilməsinə cəhd olunub. Nəticədə altı nəfər həbs edilib. Bütün bu fktlar bir daha sübut edir ki, Azərbaycanın Ermənistanda fəaliyyət göstərən AES-in bağlanması ilə bağlı başladığı kampaniya tam əsaslıdır və heç də iki ölkə arasındakı konfliktin olmasından qaynaqlanmır. ABŞ-la Ermənistan arasında bu yöndə uzun müddət bundan əvvəl müzakirələrin olması bunu bir daha sübut edir. Məsələnin ABŞ-ın Ermənistandakı səfiri tərəfindən gündəmə gətirilməsi də, məhz kampaniyanın aktivləşməsinə dəlalət edir".
Ekoloq Nazim Həsənov qəzetimizə açıqlamasında bildirdi ki, Ermənistanın nüvə qaçaqmalçılığı ilə məşğul olması konkret dəlillərlə sübut edilir: "Ermənistan ərazisində olan AES-i bütün dünyanın gözünə soxmağa çalışırdı ki, bu təhlükə onların düşdüyü blokada səbəbindən aradan qalxmır. Yəni arqument bundan ibarətiydi ki, bu vasitə ilə Ermənistan öz enerji təminatını həyata keçirir. Sonradan konkret faktlar ortaya çıxdı və bəlli oldu ki, sən demə Ermənistan AES-dəki resurslardan başqa məqsədlər üçün yararlanıb. Konkret olaraq dünyanı narahat edən nüvə qaçaqmalçılığında həmin ölkənin əli olduğu ortaya çıxdı. İstanbulda keçirilən sammitdə İlham Əliyev bütün dünya qarşısında bu problemi qaldırdı. ABŞ-la imzalanan sənədin ortaya çıxması bu gün tam olaraq sübut edir ki, Ermənistanın bu cür cinayətkar əməllərindən dünyanın superdölətləri də xəbərdar olub. Bunu eyni zamanda Azərbaycanın apardığı uğurlu kampaniyanın nəticəsi də hesab etmək olar".
Namiq QULİYEV
Elşən Mustafayev: "Bütün bu fktlar bir daha sübut edir ki, Azərbaycanın Ermənistanda fəaliyyət göstərən AES-in bağlanması ilə bağlı başladığı kampaniya tam əsaslıdır
Nazim Həsənov: "Bunu eyni zamanda Azərbaycanın apardığı uğurlu kampaniyanın nəticəsi də hesab etmək olar"
Ermənistanın nüvə qaçaqmalçılığı ilə məşğul olmasına dair kifayət qədər faktlar təqdim olunub. Hətta ermənilərin bu məqsədlər üçün hansı marşrutlardan istifadə etdiyinə dair dəqiq məlumatlar ictimaiyyətə təqdim edilib. Ermənistan vətəndaşlarının müxtəlif ölkələrdə radioaktiv maddələrlə həbs edilərək məsuliyyətə cəlb olunmasına dair də saysız məlumatlar mövcuddur. hətta erməni deputatların da bu işdə əli olduğuna dair süğutlar var. Aprel döyüşlərindən sonra isə Ermənistan rəsmiləri Azərbaycanı nüvə silahı ilə təhdid etməyə başladı. Bütün bu hadisələrdən sonra Azərbaycan "Stop Metsamor" adlı geniş kampaniyaya başladı.
"Bakı-Xəbər"in erməni saytlarından əldə etdiyi məlumata görə, Ermənistan hökuməti nüvə qaçaqmalçılığında ölkəsinin adının hallanmasında və Azərbaycanın "Metsamor" təhlükəsi ilə bağlı başlatdığı kampaniyanın dünyada artıq effekt verməsindən narahat olmağa başlayıb və hərəkətə keçib. Sarkisyan hökuməti xüsusi kanallarla sübut etməyə çalışır ki, guya onun hökumət rəsmilərinin nüvə qaçaqmalçılığı ilə heç bir əlaqəsi yoxdur və guya onlar nüvə qaçaqmalçılığı ilə mübarizədə dünya ilə birgə hərəkət edirlər. Bu istiqamətdə Ermənistanın, xüsusilə ABŞ-la aktiv işə başladığı artıq göz qabağındadır.
Bu ilin martında Vaşinqtonda nüvə zirvəsində Obamanın Ermənistanı yox, onun prezidentini yox, məhz Azərbaycanı və Prezident İlham Əliyevi özünün strateji müttəfiqi sayması da, görünür, ermənilərə möhkəm toxunub.
Sarkisyan hökumətinin 2008-ci ildə Ermənistanla ABŞ arasında imzalanmış nüvə qaçaqmalçılığı ilə mübarizə sazişi ətrafındakı manevrlərinə başqa cür izah vermək mümkünsüzdür. Belə ki, ABŞ-ın Ermənistandakı səfiri Riçard Mills bu günlərdə verdiyi açıqlamada bildirib ki, kontrabanda mahiyyəti daşıyan nüvə maddələrinin daşınmasının qarşısının alınması üçün iki ölkə arasında imzalanmış əməkdaşlıq memorandumu hazırda bir daha gözdən keçirilir. Xatırladaq ki, bu saziş 2008-ci ildə sabiq dövlət katibi Kondaliza Raysla Edvard Nalbandyan arasında imzalanıb.
Təbiidir ki, bu faktın ortaya çıxması Ermənistanın həm də Azərbaycanın başlatdığı "Stop Metsamor" kampaniyasından əl-ayağa düşdüyündən xəbər verir. Bütün bunlar Azərbaycanın apardığı kampaniyanın əhəmiyyətini göstərir.
Azərbayvan Milli İstiqlal Partiyasının sədr müavini Elşən Mustafayev qəzetimizə açıqlamasında bildirdi ki, Ermənistanda yerləşən atom elektrik stansiyasının yaratdığı təhdidlərdən biri də radioaktiv nüvə qaçaqmalçılığına yaranan şəraitdir: "Artıq ermənilərin bu istiqamətdə əməlinə dair yetərincə faktlar toplanıb. Dünya ictimaiyyətinə də bəllidir ki, ermənilər ölkələrində əldə etdikləri radioaktiv maddələri Gürcüstan ərazisi vasitəsilə müxtəlif ölkələrin qara bazarlarına çıxarmağa çalışır.
Hesab olunur ki, problemdən çıxış yolu Ermənistandakı nüvə stansiyasının bağlanmasıdır. Stansiyadakı nüvə tullantılarına beynəlxalq nəzarətin artırılması da vacibdir. Bir faktı deyim ki, son 10 il ərzində Gürcüstan Daxili İşlər Nazirliyi və Təhlükəsizlik Xidməti nüvə və radioaktiv maddələrin qaçaqmalçılığı ilə bağlı 24 fakt aşkar edib. Məhz bununla əlaqədar olaraq 70 nəfərin həbs edildiyini bildirib. Gürcüstana radioaktiv maddələrin ən çox gətirildiyi ölkələr sırasında Ermənistan öndə gedir. Gürcüstana sonuncu dəfə 2016-cı ilin aprelində Ermənistandan radioaktiv maddə keçirilməsinə cəhd olunub. Nəticədə altı nəfər həbs edilib. Bütün bu fktlar bir daha sübut edir ki, Azərbaycanın Ermənistanda fəaliyyət göstərən AES-in bağlanması ilə bağlı başladığı kampaniya tam əsaslıdır və heç də iki ölkə arasındakı konfliktin olmasından qaynaqlanmır. ABŞ-la Ermənistan arasında bu yöndə uzun müddət bundan əvvəl müzakirələrin olması bunu bir daha sübut edir. Məsələnin ABŞ-ın Ermənistandakı səfiri tərəfindən gündəmə gətirilməsi də, məhz kampaniyanın aktivləşməsinə dəlalət edir".
Ekoloq Nazim Həsənov qəzetimizə açıqlamasında bildirdi ki, Ermənistanın nüvə qaçaqmalçılığı ilə məşğul olması konkret dəlillərlə sübut edilir: "Ermənistan ərazisində olan AES-i bütün dünyanın gözünə soxmağa çalışırdı ki, bu təhlükə onların düşdüyü blokada səbəbindən aradan qalxmır. Yəni arqument bundan ibarətiydi ki, bu vasitə ilə Ermənistan öz enerji təminatını həyata keçirir. Sonradan konkret faktlar ortaya çıxdı və bəlli oldu ki, sən demə Ermənistan AES-dəki resurslardan başqa məqsədlər üçün yararlanıb. Konkret olaraq dünyanı narahat edən nüvə qaçaqmalçılığında həmin ölkənin əli olduğu ortaya çıxdı. İstanbulda keçirilən sammitdə İlham Əliyev bütün dünya qarşısında bu problemi qaldırdı. ABŞ-la imzalanan sənədin ortaya çıxması bu gün tam olaraq sübut edir ki, Ermənistanın bu cür cinayətkar əməllərindən dünyanın superdölətləri də xəbərdar olub. Bunu eyni zamanda Azərbaycanın apardığı uğurlu kampaniyanın nəticəsi də hesab etmək olar".
Namiq QULİYEV
