Tanınmış vəkil Ceyhun Yusifov Beynəlxalq Mətbuat Mərkəzində 79 saylı İmişli seçki dairəsindən Milli Məclisə deputat mandatı verilmiş Əsabil Qasımovun qanusuz hərəkətləri və Qarabağ qazisinə qarşı etdiyi haqsızlıqlarla bağlı Mətbuat Konfransı keçirib Mətbuat Konfransında vəkil bildirib ki, "Mən hər zaman Yeni Azərbaycan Partiyasını ədalətli bir partiya kimi tanımış və daim onun siyasi kursunu dəstəkləmişik. Lakin təəssüflər olsun ki, bəzi Partiya üzvləri bu məqsədlərdən yayınaraq və öz vəzifələrindən sui-istifadə edərək Partiyanın adına və nüfuzuna xələl gətirməyə çalışır. Bu şəxslərdən biri 2010-cu il deputat seçkilərində Yeni Azərbaycan Partiyası tərəfindən namizədliyi irəli sürülərək 79 saylı İmişli seçki dairəsindən Milli Məclisə deputat seçilmiş Əsabil Qasımovdur. Deputat xalqı təmsil etmək, onların hüquqlarını qorumaq vəzifəsi daşısa da təəssüf ki, Əsabil Qasımov öz deputat statusundan və Partiyanın nüfuzundan istifadə edərək qanunsuz fəaliyyətlərlə məşğul olmaqla, insanların hüquqlarını pozmaqla, günahsız insanları həbs etdirməklə məşğuldur. Deputat Əsabil Qasımov tərəfindən insanların başına gətirilmiş müsibətlər, etdiyi haqsızlıqlar, deputat adı ilə bir araya sığmayan qanunsuz fəaliyyətlər barədə dəfələrlə mətbuatda materiallar dərc edilsə də həmin şəxs yenə də öz qanunsuz əməllərinə son qoymamış, bu fəaliyyətlərinə və hərəkətlərinə göz yumulduğu üçün tam əksinə daha da qəddarlaşmışdır. Əsabil Qasımovun qanunsuz əməllərinin növbəti qurbanı Azərbaycanın bütövlüyü uğrunda çalışmış Hacızadə Rövşən Hacı olmuşdur”.
Qeyd olunmuşdur ki:” Hacızadə Rövşən Hacı oğlu barəsində Azərbaycan Respublikası Baş Prokuroru Yanında Korrupsiya Qarşı Mübarizə İdarəsinin müstəntiqi Rəşad Mansurov tərəfindən deputat Əsabil Qasımovun göstərişi ilə əsassız və qanunsuz olaraq guya öz qulluq mövqeyindən istifadə edib özgənin külli miqdarda əmlakını etibardan sui-istifadə etmə və aldatma yolu ilə ələ keçirməklə dələduzluq etməkdə ittiham edilərək Cinayət Məcəlləsinin 178.3.2-ci (dələduzluq) və 313-cü (vəzifə saxtakarlığı) maddələri ilə cinayət işi başlanmış və barəsində həbs qətimkan tədbiri seçilmişdir.
Hacızadə Rövşən YAP-çı deputat Əsabil Qasımovun başçılıq etdiyi bir qrup şəxs tərəfindən həm saflığından, çarəsizliyindən və xəstəliklərindən, həm də hüquqi savadsızlığından istifadə edilərək aldadılmış və Əsabil Qasımovun yaxın ətrafı rəsmi sənədlərdə saxtakarlıq həyata keçirərək qardaşıma imza etdirməklə "Karat" MTK-nın möhürü ilə təsdiq edərək cinayət törətmişlər. Lakin həqiqi cinayətkarlar güclərindən istifadə edərək çöldə sərbəst şəkildə gəzdiyi halda günahsız bir insan cinayətkar adı ilə istintaqa cəlb edilərək həbs edilmişdir. Halbuki o, Karat MMC-də qarovul vəzifəsində işləyib
daha sonra mətbuat Konfrasında çıxış edən Hacızadə Rövşənın bacısı Güllü Hacıyeva çıxış edərək bir sıra faktları media nümayəndələrinin diqqətinə çatdırdı; "Əsabil Qasımov şirkətlərinin başında öz qumarbaz qohumlarını oturdub. Onun qohumları həmin 5 mənzili satıblar və aparıb qumarda uduzduqları adamlara veriblər. Deputatın qohumu Qərib Əmiraslanov mənzilləri satandan sonra Rusiyaya, oradan da Türkiyəyə gedib. Əsabil Qasımov bunu biləndən sonra onu orada tutdurub Bakıya gətizdirdi, 20 gün də türmədə saxlatdı. İndi isə həmin cinayəti Qarabağ uğrunda döyüşlərdə canını qoyan, bir neçə dəfə yaralanan, əlacsızlıqdan gedib Əsabil Qasımovun holdinqində qarovulçuluq, komendantlıq edən qardaşımın üstünə yıxır. Necə ola bilər ki, bir komendant milyardlarla pulu olan holdinqin sahibini aldadıb?”
G.Hacıyeva onu da vurğuladı ki, deputat onun qardaşını ölümlə hədələyib: "Qardaşıma deyib ki, səni orada çürüdəcəyəm. İstintaqa təzyiq göstərir. Bizə açıq-aşkar deyirlər ki, bu sifarişdir. Onu deputat seçiblər ki, vətəndaşları toxunulmazlığından istifadə edib türmələrə saldırsın? Əgər qardaşıma qarşı haqsızlıq dayandırılmasa, mən Əsabil Qasımovun zülmündən bezdiyim üçün ”Karat" holdinqin qarşısına gedib üstümə benzin töküb özümü yandıracağam. İndidən deyirəm, mənim intiharımın baiskarı deputat Əsabil Qasımovdur".
