Azərbaycan Milli İstiqlal Partiyasının (AMİP) lideri Etibar Məmmədov Yusif Bağırzadənin AMİP sədrliyindən və partiyadan istefa verməsinə münasibət bildirib.

O, APA-ya açıqlamasında deyib ki, Y. Bağırzadə səhhətində yaranan problemlərlə əlaqədar istefa verib: "O, istefası ilə bağlı AMİP rəhbərliyinə müraciət edib, bu məsələyə partiyada baxılacaq”.

E. Məmmədov əlavə edib ki, Y. Bağırzadə istefa verəcəyi barədə əvvəldən ona heç nə bildirməyib.
AMİP lideri yenidən partiya sədri olmaq niyyətində olmadığını da vurğulayıb.